संघप्रार्थना

संघप्रार्थना 

वृत्तः भुजंगप्रयात

मूळ संस्कृत संहिताः नरहरी नारायण भिडे, फेब्रुवारी १९३९

मराठी अनुवादः नरेंद्र गोळे २०१९१००१

॥ १ ॥	नमस्ते सदा वत्सले मातृभूमे त्वया हिन्दुभूमे सुखं वर्धितोऽहम् महामंगले पुण्यभूमे त्वदर्थे पतत्वेष कायो नमस्ते नमस्ते	नमू मायभूमी तुला प्रीय माते सुखी मी करावे तुला हिंदुभूमे शिवे पुण्यभूमे तुझ्याकारणे गे पडो देह माझा नमू मायभू हे
॥ २ ॥	प्रभो शक्तिमन् हिन्दुराष्ट्रांगभूता इमे सादरं त्वां नमामो वयम् त्वदीयाय कार्याय बद्धा कटीयम् शुभामाशिषं देहि तत्पूर्तये	प्रभो शक्तिशाली, मुले हिन्दुभूची असू सिद्ध आम्ही तुझ्या अर्चनेसी तुझ्या कार्यि आहोत बांधील आम्ही कृपा राहु दे कार्य ते साधण्यासी
॥ ३ ॥	अजय्यां च विश्वस्य देहीश शक्तिम् सुशीलं जगद् येन नम्रं भवेत् श्रुतं चैव यत् कण्टकाकीर्णमार्गम् स्वयं स्वीकृतं नः सुगंकारयेत्	न हारू जगाला अशी शक्ति दे तू जगा नम्रता ये, असे शील दे तू असे मार्ग काट्याकुट्यांचा कसाही जरी ऐकलेला, भला, घेतला मी
॥ ४ ॥	समुत्कर्ष निःश्रेयसस्यैकमुग्रम् परं साधनं नाम वीरव्रतम् तदन्तः स्फुरत्वक्षया ध्येयनिष्ठा हृदन्तः प्रजागर्तु तीव्राऽनिशम्	समुत्कर्ष होवो, नको श्रेय त्याचे अशा जाणिवेने, स्फुरो वीरवृत्ती न हो क्षीण, ऐसीच दे ध्येयनिष्ठा सदा जागती राहु दे अंतरी ती
॥ ५ ॥	विजेत्री च नः संहता कार्यशक्तिर् विधायास्य धर्मस्य संरक्षणम् परं वैभवं नेतुमेतत् स्वराष्ट्रम् समर्था भवत्वाशिषा ते भृशम्	विजेती असो संहता कार्यशक्ती सदा धर्म राखावया सिद्ध हो जी महा वैभवी राष्ट्र नेण्यास तू हे असू दे कृपा खूप सामर्थ्यदा ती

॥ भारत माता की जय ॥

https://www.youtube.com/watch?v=Sm8YBEe32WA

http://anuvad-ranjan.blogspot.com/2019/10/blog-post.html#links

अर्थ:

हे वत्सल मातृभूमे, मी तुला सदैव नमस्कार करतो. हे हिन्दुभूमे, तू माझे सुखाने पालनपोषण केलेले आहेस. हे महामंगलमयी पुण्यभूमे, तुझ्यासाठी माझा हा देह समर्पण होवो. मी तुला पुनःपुन्हा वंदन करतो.

हे सर्व शक्तिमान परमेश्वरा, हिंदुराष्ट्राचे आम्ही पुत्र तुला सादर प्रणाम करतो. तुझ्याच कार्यासाठी आम्ही कटिबद्ध झालो आहोत. त्या कार्याच्या पूर्ततेसाठी आम्हाला तू शुभाशीर्वाद दे. हे प्रभू, आम्हाला अशी शक्ती दे की, जिला आव्हान देण्याचे धैर्य जगातील अन्य कुणा शक्तीला व्हावयाचे नाही, असे शुद्ध चारित्र्य दे की, ज्या चारित्र्यामुळे संपूर्ण विश्व नतमस्तक होईल आणि असे ज्ञान दे की, ज्यामुळे आम्ही स्वतः होऊन पत्करलेला हा काट्याकुट्यांनी भरलेला मार्ग सुगम होईल.

उच्च असे आध्यात्मिक सुख आणि महानतम अशी ऐहिक समृद्धी प्राप्त करण्याचे एकमेव श्रेष्ठतम असे साधन असलेली उग्र अशी वीरव्रताची भावना आमच्यात सदैव उत्स्फूर्त होत राहो. तीव्र आणि अखंड अशी ध्येयनिष्ठा आमच्या अंतःकरणात सदैव जागती राहो. तुझ्या कृपेने आमची ही विजयशालिनी संघटित कार्यशक्ती आमच्या धर्माचे संरक्षण करून या राष्ट्राला वैभवाच्या उच्चतम शिखरावर पोहोचविण्यास समर्थ होवो.

॥ भारत माता की जय ॥