स्फुर्तिगान-४०: या उंच उंच नभी डोलतसे जो

तो भगवा रंग विराजे
भगवान नावही साजे ।
त्यागाची नौबत गाजे
वैभवे शोभला रायगडी जो, महान हा ध्वजराज ॥१॥ 

हे निशाण हिंदुत्वाचे
वीरांचे रणमर्दांचे ।
मातेच्या सत्पुत्रांचे
सकल हिंदु नमिताति जयाला, महान हा ध्वजराज ॥२॥ 

ज्यासाठी शिवबा लढला
बाजी प्रभु लढता पडला ।
संभाजी तो कडकडला
सोडिला सुळावर प्राण जयाने, महान हा ध्वजराज ॥३॥ 

सिंहगडी ताना पडला
वसईला अप्पा लढला ।
बाजीने दिल्लिस नेला
अटकेस राघवे फडकविला जो, महान हा ध्वजराज ॥४॥ 

पानिपती तोफा झडल्या
प्रेतांच्या राशी पडल्या ।
रक्ताने सरिता भरल्या
वाहिले लाख ते प्राण जयाला, महान हा ध्वजराज ॥५॥ 

झाशीचा ध्वज हा भगवा
त्या प्रणाम नित्य करावा ।
प्राणांत लढा लढवावा
शोभेल नित्यही उंच नभी जो, महान हा ध्वजराज ॥६॥