स्फुर्तिगान-१७: कोटि कोटि कंठातुन होतो

कोटि कोटि कंठातुन होतो ।
मातेचा जयकार ।
घडावा संघाचा संस्कार ॥धृ॥ 

भरतभूमिचे वीरपुत्र अम्ही
ध्यास एक हा सदा जीवनी ।
वैभवि नेण्या मातृभूमिला
संघ हाच आधार ॥१॥ 

प्रताप राणा शिवप्रभुबाजी
नररत्ने जन्मली इथे जी ।
त्या विरांचे आम्ही वंशज
स्वप्न करू साकार ॥२॥ 

तन मन धन हे आज समर्पुन
पूर्ण करू या हे जनजीवन ।
कीर्ति शिखरि हा चढवू भारत
हाच असे निर्धार ॥३॥ 

नित्य पूजनी भगवा ध्वज हा
स्मरा सांगतो पराक्रमाला ।
त्याग शिकवुनी स्फुरणहि देतो
हा गुरुचा अधिकार ॥४॥