ॐ
मनामनातील दुवा साधण्या । संघटना हे एकच साधन ।
संघटना हे एकच साधन । संघटना हे एकच साधन ॥धृ॥
जाती, भाषा, पंथ भेद किती । वैचित्र्याने नटली सृष्टी
।
परिएकता स्फुरण्या त्यातून । संघटना हे एकच साधन ॥१॥
सत्य अहिंसा शब्दच ठरले । कृतीतून पण शून्यच उरले ।
हिंदुत्वाचे ठरण्या भूषण । संघटना हे एकच साधन ॥२॥
चारित्र्याविन जीवन कसले । देवाविण का मंदिर सजले ।
स्वये स्थापण्या ते अनुशासन । संघटना हे एकच साधन ॥३॥
छिन्नभिन्न हा समाज होता । विश्वासही मग लोप पावता ।
सहकार्याचे जगण्या जीवन । संघटना हे एकच साधन ॥४॥
आत्मविस्मृती दूर सारुनी । मानवतेची मूल्ये स्थापुनी ।
राष्ट्रहिताचे करण्या चिंतन । संघटना हे एकच साधन ॥५॥
कोणत्याही टिप्पण्या नाहीत:
टिप्पणी पोस्ट करा